Hapja e llogarisë së biznesit Paysera
Filloni të pranoni pagesa për biznesin tuaj, merrni kurs të favorshëm valutor dhe bëni transfere më të lira. E gjithë kjo dhe më tepër në një llogari Paysera – shkarkoni aplikacionin Paysera dhe filloni sot!
HAPI 1
- Shkarkoni aplikacionin Paysera nga Google Play ose Apple App Store.
- Hapni aplikacionin dhe zgjidhni gjuhën tuaj.
- Klikoni Krijo Llogari.
- Vendosni numrin tuaj të telefonit dhe krijoni një fjalëkalim të sigurt. Kontrolloni që i pranoni kushtet dhe afatet dhe vazhdoni.
- Do të merrni një kod verifikimi me SMS - futeni atë në aplikacion.
- Vendosni një PIN kod me pesë shifra, i cili do të përdoret sa herë që hyni në llogarinë tuaj.
HAPI 2
- Në ekranin kryesor, klikoni te Verifikimi i identitetit.
- Së pari, futni email adresën tuaj dhe klikoni te Vazhdo.
- Do të merrni një kod konfirmimi me email - futeni atë në aplikacion.
- Pasi të verifikohet email-i juaj, do të shfaqet I konfirmuar pranë Konfirmimi i email-it. Klikoni te Vazhdo për të filluar procesin e verifikimit të identitetit.
- Zgjidhni vendin dhe llojin e dokumentit. Krahasoni dokumentin tuaj me shembullin e dhënë, sigurohuni që është i vlefshëm dhe vazhdoni.
- Bëni një foto të qartë të dokumentit tuaj. Nëse është një kartelë identiteti, fotografoni të dyja anët. Sigurohuni që dokumenti të jetë plotësisht i dukshëm brenda kornizës së bardhë dhe që i gjithë teksti të jetë i lexueshëm.
- Ndiqni udhëzimet brenda aplikacionit për të përfunduar njohjen e fytyrës dhe për të përfunduar procesin e verifikimit të identitetit.
- Pasi identiteti juaj të verifikohet me sukses, do të jeni në gjendje të vazhdoni me hapjen e llogarisë suaj.
HAPI 3
Një llogari biznesi mund të hapet nga drejtuesi i kompanisë ose nga një person i autorizuar, i cili ka një autorizim të nënshkruar nga drejtuesi me nënshkrim elektronik ose të vërtetuar nga noteri. Një nga dokumentet e detyrueshme është lista e aksionarëve. Informacioni për pronarët përfundimtarë përfitues të personit juridik ofrohet përmes sistemit JANGIS.
- Në aplikacionin mobil Paysera zgjidhni Parametrat > Llogaritë e biznesit dhe prekni Llogari e re biznesi.
- Zgjidhni vendin e regjistrimit të kompanisë suaj.
- Nëse kompania juaj është e regjistruar në Lituani, Letoni, Estoni, Bullgari ose Rumani, ndiqni udhëzimet e dhëna në aplikacionin mobil Paysera. Plotësoni KYC pyetësorin dhe sigurohuni që i gjithë informacioni i dhënë të jetë i saktë.
- Nëse kompania juaj është e regjistruar në një vend tjetër, vazhdoni procesin e hapjes së llogarisë duke përdorur një shfletues interneti.
- Kyçuni në bank.paysera-ks.com me fjalëkalimin që keni krijuar.
- Klikoni emrin dhe mbiemrin tuaj në këndin e sipërm të djathtë.
- Zgjidhni Llogari e re biznesi.
- Zgjidhni përsëri vendin e regjistrimit të kompanisë suaj.
- Vendosni kodin e kompanisë, plotësoni pyetësorin dhe ngarkoni të gjitha dokumentet e kërkuara.
- Është e detyrueshme të paraqitni: dokumentin e regjistrimit të kompanisë, dokumentin që vërteton emërimin e drejtuesit të kompanisë dhe listën e aksionarëve.
- Shënoni kutinë për të konfirmuar që jeni dakord me tarifat e mundshme dhe që e keni lexuar Marrëveshjen e Përgjithshme të Shërbimeve të Pagesave. Pastaj klikoni Paraqisni.
- Llogaria juaj e biznesit do të hapet pasi të miratohen dokumentet.
